فــى رحـــاب الله
•.♥️.• احمد فيضى أبـا يـوسف •.♥️.•
مـرحـبــا بـالــنـــــور
مرحــبـا بالــفــجـــرالــــجديــد
ان شاء الله
تـــفـيــد وتــســتـفــيد ويعمر منتدانا بوجودك
يـعطـرنا قـلمك وتمـيز حضـورك
ولاتبخل علينا بمالديك

فــى رحـــاب الله

اللَّهُمَّ أَصْلِحْ أَحْوَالَ الْمُسْلِمِينَ فِي كُلِّ مَكَانٍ
 
الرئيسيةالبوابةبحـثالتسجيلدخول

شاطر | 
 

 هو فرض ؟؟ يا ليلة بيضة .. انا اول مرة اعرف !!!!

اذهب الى الأسفل 
كاتب الموضوعرسالة
beso
الاداره
الاداره
avatar


مُساهمةموضوع: هو فرض ؟؟ يا ليلة بيضة .. انا اول مرة اعرف !!!!   الأحد أبريل 19, 2009 5:11 am

السلام عليكم ورحمة الله وبركاته ..

قصة حصلت معايا ..

والحمد لله ان الواحد خد باله ..

حضرت مرة محاضرة .. عنوانها كان عن الشباب والهمة ..

المهم .. المحاضر بدا يتكلم عن الشباب .. واهمية الشباب في بناء الامة ..

وفترة الشباب .. وازاي الواحد يستغلها ..

وقعد يحمس في الواحد .. وازاي الشباب يقدر يغير في مسار الامة ..

وضرب امثلة من عهد الصحابة والتابعين .. وصلا حالدين ومحمد الفاتح .. وهلم جرا ..

المهم مش عارف .. ايه اللي غير مسار الموضوع .. ودخلنا في ازاي الشاب يقدر يعمل كل ده ..

فدخل في كام نقطة .. ورحنا على الحاجة اللي كنت كاتب عليها الموضوع ..

كان بيتكلم عن القرآن وانه هو الطريق الوحيد لهداية الامة الى الطريق السوي ..

واحد ساله عن ان ورده مش مزبوط اوي .. والشغل كتيييير .. يعمل ايه ..

ساعتها فجرها المحاضر .. وكنت اول مرة اعرف اللي هكتبه ده ..



قاله قراءة القرآن فرض ..



نعم يا عم الحج blink.gif .. فرض .. huh.gif

ده فين ده ..

لا ومش كده وبس ..

لا ومتحددة كمان وليها ضوابطها ..

ده انت لازم تختم القرآن كل مدة معينة ..

وبدا في الادلة ..

وقال .. انا الحمد لله حافظ القرآن من زمان اوي .. وبختم كتير جدا .. بس اول مرة اخد بالي من الاية دي قريب ..


" إنما أمرت أن أعبد رب هذه البلدة التي حرمها وله كل شيء وأمرت أن أكون من المسلمين .. وأن أتلو القرآن "

ربنا سبحانه وتعالى أمر رسوله بـ 3 حاجات ..

منها انه يقرأ القرآن ..

من هنا ناخد ان قراءة القرآن فرض .. لان الامر هنا في الاية مش للرسول عليه الصلاة والسلام وحده ..

في نقطة الفرضية دي رجعت اسال فيها كام واحد كان حاضر من اهل علم وخبرة .. قالي الكلام ده صحيح

استر يا رب .. sad.gif

قالنا كمان كام حديث .. دلت على ان الفترة المسموحة للمسلم انه يختم القرآن تتراوح من شهر .. blink.gif وحتى 3 ايام ..

واللي ما يعملش كده .. يبقى ما التزمش بأمر الرسول عليه الصلاة والسلام ..

دورت على الحديث وجبته بالمتن والسند وكل حاجة ..



" عن عبد الله بن عمرو قال قلت : يا رسول الله في كم أقرأ القرآن ؟ قال : اختمه في شهر . قلت : إني أطيق أفضل من ذلك ، قال : اختمه في عشرين ، قلت : إني أطيق أفضل من ذلك ، قال : اختمه في خمسة عشر . قلت : إني أطيق أفضل من ذلك ، قال : اختمه في عشر ، قلت : إني أطيق أفضل من ذلك ، قال : اختمه في خمس . قلت : إني أطيق أفضل من ذلك ! قال : فما رخص لي "

سنن الترمذي ج5ص196ح2946 وعلق عليه (قال أبو عيسى هذا حديث حسن صحيح غريب من هذا الوجه يستغرب من حديث أبي بردة عن عبد الله بن عمرو وقد روي هذا الحديث من غير وجه عن عبد الله بن عمر وروي عن عبد الله بن عمرو عن النبي صلى الله عليه (وآله) وسلم قال : لم يفقه من قرأ القرآن في أقل من ثلاث .
وروي عن عبد الله بن عمرو أن النبي صلى الله عليه (وآله) وسلم قال له : اقرأ القرآن في أربعين . قال إسحاق بن إبراهيم : ولا نحب للرجل أن يأتي عليه أكثر من أربعين ولم يقرأ القرآن لهذا الحديث . وقال بعض أهل العلم : لا يقرأ القرآن في أقل من ثلاث للحديث الذي روي عن النبي صلى الله عليه (وآله) وسلم ) ، شعب الإيمان للبيهقي 2ص394ح2166 .





يا سبحان الله .. قراءة القرآن فرض .. والرسول ما رخصش انه يختمه في اكتر من شهر او اقل من خمسة ايام ..

وفي روايات مش اكتر من اربعين يوم .. ومش اقل من 3 ايام ..

الواحد فين من ده كله

هل فعلا الواحد بيعمل كده .. ولا الدنيا خلاص خدتنا ..

ده من غير كده .. القرآن هو فعلا سر نهضة الامة الاسلامية ..

يعني المفروض فعلا الواحد يهتم بيه .. وياخده مصدر تزويد ليه ..

لا وكمان في ايات و...ديت تحث على كل ده ..

وفي الآخر .. احنا فين ؟؟؟

الواحد والله بيخاف ينطبق عليه قول الله " وقال الرسول يا رب ان قومي اتخذوا هذا القرآن مهجورا "


حسب ما اذكر ان الامام ابن تيمية قال ان الهجر على 3 انواع ..

هجر قراءة ...هجر تدبر .. وهجر تطبيق ..

لما احنا في اسهل واحدة .. مش عارفين نعمل الطاعة على اكمل وجه ..

هنتكلم في الباقيي ...

يا الله ..

الواحد فعلا في غفلة .. مش عارف امتى هيصحى منها ..

اللهم اغفر لنا تقصيرنا واسرافنا في انفسنا ..



اللهم انا نعوذ بك من ان نذكر بك وننساك
(منقول للامانة)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هو فرض ؟؟ يا ليلة بيضة .. انا اول مرة اعرف !!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فــى رحـــاب الله :: الاسلام :: الله ورسولـه-
انتقل الى: